CD - плеерите денес претставуваат основен дел на секој hi - fi уред. Благодарение на големата побарувачка и интересот кај аудиофилите овие уреди може да се најдат со најразличен квалитет и цена. Иако секогаш големината на цената не е мерка на квалитетот сепак кога се во прашање познатите производители на аудио опрема како што се Marantz, JVC и NAD важи познатата поговорка: "Колку пари, толку музика". Доколку имате да потрошите нешто повеќе од вообичаените 300 - 400 DM за CD плеер секако дека ќе се одлучите за произвидите на една од овие компании, кои впрочем ги препорачуваат и инженерите кои ги тестираат овие уреди за списанието Hi - Fi Choice. Сите модели кои ќе бидат презентирани во овој текст без оглед на времето на појава, се еден вид топ модели на производителите.