Развојниот систем LV-32MXv6 е најновиот член во фамилијата на развојни алатки од производителот Микроелектроника наменет за развој на апликации со PIC32 микроконтролери. Производите на фирмата Микроелектроника веќе одамна се дефиниција за она што значи развој на embedded апликации, брзо и лесно програмирање и достапност во целиот свет. Системот е граден врз база на неговиот претходник LV-32MX, но со многу нови и подобрени модули. Откако ќе го погледнете, сигурно ќе сакате да поминете неколку часа со ова прекрасно парче електроника, но откако првпат ќе го вклучите прекинувачот за напојување … е тогаш почнува магијата и сигурен сум дека времето одвоено за многу битни работи од вашиот живот ќе го замените за работа со овој развоен систем :-). Во една реченица - се работи за феноменален производ за секој којшто сака да си "игра" во embedded светот.