Софтверот кој го користиме, од ден на ден станува се поголем, бара повеќе место на хард дискот и многу дискети да се пресними (освен ако не е на CD). Понекогаш потребно е и дваесетина дискети (можеби и повеќе) да се донесе софтверот дома. Меѓутоа со самото зголемување на бројот на дискетите се зголемува и можноста да се појават грешки во фајловите (сите сме ја сретнале пораката CRC ERROR). Некои такви грешки би значело дека целата работа треба да се повтори - бришење на старите фајлови, проверка на дискетите, повторно снимање...
Има повеќе начини да се избегнат овие проблеми. Модемот како влезно - излезен уред кој овозможува комуникација помеѓу повеќе компјутери е еден од наједноставните уреди кој овозмозможува комуникација. Доколку компјутерот со кој сакаме да се поврземе е во близина, може да се искористи друг начин на поврзување - поврзување преку паралелните (LPT) или сериските порти (COM).