Сакате да влезете во светот на практичната електроника, но не знаете како и од каде да започнете? Можеби веќе и сте започнале практично да се занимавате со електрониката, но наидувате на многу проблеми поради своите скромни знаења? Ако вашиот одговор на овие прашања е потврден (барем делумно) тогаш оваа серија написи е наменета за вас. Внимателно следете го овој наш курс (и серијата "Проекти за најмладите електроничари"), па наскоро ќе можете самостојно, со поголема сигурност, а помалку проблеми, да изработувате и поправате разни електронски склопови и уреди. Предмет на ова продолжение ќе бидат изолациските (диелектрични) материјали, проводниците и осигурувачите.