Рубрика: Аудио и видеотехника
Тест: звучници BOSE 501
Автор: Владимир Филевски
Ова е само дел од статијата која во целост е објавена во

Емитер 11/1998.

Нарачајте го овој број или најавете се за да ја прочитате целата статија.


Звучникот Bose 501 е изведен од моделот Acoustimass 5 – ги користи истите звучници (барем според димензиите), но наместо комбинација сателити плус еден сабвуфер, направени се две класични самостоечки (floor standing) звучници. Би можело да се каже дека во секој звучник Bose 501 има вградено сабвуфер. Дизајнот е многу добар: не многу висока, но елегантно витка кутија со косо отсечен еден вертикален раб, кој визуелно уште повеќе ги намалува димензиите на кутијата. На врвот се наоѓа визуелно одлично дизајнираната заштитна мрежа за звучниците.

Мерењето на звучници како што е Bose 501 е прилично комплицирано, и покрај употребата на професионалниот уред за мерења на звучници CLIO. Причината е во интеракцијата на двата широкопојасни звучници – можни се многу различни мерења кои ни откриваат различни, поединечни страни на звукот од овој звучник. Исто така и "интерниот" сабвуфер на Bose 501 си има свои специфичности, кои го отежнуваат изведувањето на мерењето. Глобален и конечен суд за звукот на Bose 501 може да се изрече само после слеп слушен тест, но сепак мерењата можат да ни откријат некои многу интересни факти.

Bose 501 вреди да се чуе (и да се види!). Стереосликата кај Bose 501 ќе зависи од акустиката на просторијата, но во секој случај ќе биде поинаква, поинтересна и поширока во споредба со класичните звучни кутии. Дополнителна вредност е тоа што добар стерео ефект ќе може да се слуша во многу поширок спектар во самата соба ("Stereo Everywhere" е заштитен знак на Bose!), дури и кога сте поблиску до едниот звучник, додека кај класичните звучници добриот стереоефект е ограничен само на линијата која се наоѓа точно на средината меѓу двата звучника.

Клучни зборови:

Ова е само дел од статијата која во целост е објавена во Емитер 11/1998. Нарачајте го овој број за да ја прочитате целата статија, а ако веќе го имате купено електронското издание најавете се за да го прочитате.