За оние кои секојдневно во својата практика користат батерии од секаков тип, многу добро би им дошол еден мал и едноставен уред за тестирање на исправноста на батериите. Сигурно многумина кога го прочитале насловот на написот си помислиле дека тестирањето на исправноста на батериите може потполно да се изведе и со обичен волтметар. Ова до некаде е точно, но не е потполно исправна констатација. Имено, со волтметарот се мери напонот на батеријата без таа значително да се оптовари. Така може да се добие добар напон измерен со волтметарот, но сепак батеријата да не е добра. Ова доаѓа од таму што со стареење или трошење на некои типови на батерии изворот на електромоторна сила не го менува напонот, но значително се зголемува нејзината внатрешна отпорност