Некаде во нашата свест и размислување е зацртано дека транзицијата кон зелени и обновливи енергии почива на научно-фантастични технологии и милијарди инвестиции. Но, тоа не е секогаш случај. Понекогаш вистински добра идеја и одредена техничка експертиза можат да направат огромна разлика. А токму ова ги поседуваат Марку Иленен и Томи Еронен, двајца мошне млади фински инженери кои неодамна го развија првиот акумулатор... од песок. Се работи за конкретен, евтин одговор на енергетската криза.

Дури ни удвојувањето на дневниот број на тестирања во последниве два дена, не помогна во намалувањето на стапката на позитивни тестови. Напротив, денеска се соборени два рекорди на епидемијата во Македонија, за дневната стапка на позитивни тестови (48,31%) и за нејзината седумдневна подвижна средина (40,35%), прикажано на дијаграмот на првата слика. Во Битола, Куманово и Тетово е неверојатно, со 75% позитивни тестови.

Кога добро ќе се организираат активностите, како на пример, образованието на средношколците од занатските струки, државните институции задолжени за промоција на иновациите со оние на професорскиот и на менаџерскиот кадар од (средните) училишта, учениците со својот ентузијазам и бескрајна љубов кон творењето чуда можат да направат. А, што е поважно, се стекнуваат со сигурност и одважност за утре, како идни инженери, проектанти, конструктори и менаџери кои, да бидат кадарни да се носат со сите препреки што ги носи производството на материјални добра. Најновиот пример за ова доаѓа од средното стручно општинско училиште ОЕМУЦ “Св. Наум Охридски” од Охрид, каде група на ученици, заедно со своите ментори, победија на државниот натпревар “Предизвик за млади истражувачи 4“, со што добија парични средства од Фондот за иновации и технолошки развој за успешно да го реализираат победничкиот проект –Пловило на соларен погон.

Нема некој друг развој на настаните во животот за личност како Назим Нада, роден во 1982 г. во САД, растел во северна Италија, а студирал и докторирал на два факултети во Англија (теоретска физика и практична математика), покрај забележителните хобија во падобранство и пилотирање авиони, освен да основа компанија за производство на електрични автомобили од висока класа во Милано. Компанијата ја основал во јуни оваа година (2022), а нејзиното име е AEHRA.