Додека сите се возбудени и ги следат спортските натпреварувања на олимпијадата во Париз, денес, 28 јули се спушти завесата за едно поинакво натпреварување. Со завршната свечена церемонија за додела на медалите и наградите за најуспешните, заврши 54. Меѓународна Олимпијада по физика што во перуодот од 21 до 29 јули се одржува во Исфахан, Иран. А бербата на медали за македонскиот тим на физичари повторно е значајна.

Уште од првите часови по биологија или географија знаеме дека за да постои живот на Земјата, потребен е кислород. И, дека тој кислород најпрво го произвеле микроскопски зелени алги, кои живееле на површината од океанот, бидејќи сончевата светлина продира само до двесте метри длабочина. Подлабоките слоеви на океанот се темни, и се хранат со организми што паѓаат одозгора, или енергија добиена од хидро-термални извори на дното. З атоа, како шок доаѓа најновата вест објавена овој месец во списанието Nature: група истражувачи јавуваат дека откриле извор на кислород – на океанското дно!

Роботска нога што може целосно да се контролира од мозокот и 'рбетниот мозок им овозможи на седум лица кои го изгубиле долниот дел од ногата да одат речиси подеднакво брзо како и луѓето без ампутации. Бионичкиот екстремитет користи компјутерски интерфејс што ги засилува нервните сигнали од мускулите во преостанатиот дел од ногата и му овозможува на носителот да ја движи протезата со мисла и природни рефлекси.

Една од ретките предности што ги донесе глобалното затоплување е отворањето на Северозападниот премин – поморска рута што минува низ водите на канадскиот арктички архипелаг, кој од 2007 година е повремено пловен, при добро време, поради намалувањето на арктичкиот мраз. Но, работите и не се баш идеални. Се чини дека најсеверниот дел од Преминот не станува почист и попловен. Напротив. Ова парче од рутата станува сѐ повеќе пренатрупано со дебели парчиња морски мраз што пристигнуваат од север. Ова го покажува анализата објавена во Communications Earth & Environment.