Свитокот е дел од обемната збирка свитоци од папирус пронајдени во  1750 година, во остатоците од вила во Херкуланеум, градот  кој ја дели судбината со Помпеја – да биде закопан под вулканска пепел при ерупцијата на Везув во 79 година. Силниот налет на жежок гас од Везув јагленосал стотици свитоци што се наоѓале во библиотеката на огромната вила, зачувувајќи ги до денешни дни. За жал, свитоците се неверојатно кревки, па некои од нив биле неповратно оштетени при обидот рачно да се одвиткаат. Поради ова конзерваторите се решиле да се откажат од ваквите напори, а содржината на околу 600-те свитоци остана како загатка,... сѐ до денес.

Резултат на обид за физичко одмотување на свиток фото: Предизвик Везув

Со развојот на технологијата, се отворија нови можности да ја „читање“ на содржината од свитоците. Во 2018 година, научниците вклучени во Иницијативата за дигитална реставрација на Универзитетот на Кентаки се обидоа со помош на високоенергетски рендгенски зраци да ѕирнат во содржината на свитоците без притоа да ги оштетат. Тие успеале да обучат алгоритам за машинско учење што ќе ги дешифрира рендгенските снимки од папирусот со цел да забележи суптилни разлики во структурата на површината. Овие снимки се основата да се започне процесот на дешифрирање на свитоците.

Истражувачите со помош на машинско учење  и ВИ успеале да ги реоформат трагите од мастило на скаменетиот свиток фото: Предизвик Везув​​​​​​​ 

Како што пишувавме во Парична награда за дешифрирање на дел од скаменетите свитоци од Херкуланеум, Предизвикот Везув предвидува парична награда за првиот тим кој ќе декодира четири пасуси од текст од свитоците пред крајот на годината. Меѓу кандидатите за наградата, најдобро оценети меѓу примените поднесоци се оние на Јусеф Надер, Лук Фаритор и Џулијан Шилингер. Имено, заеднички тие ги постигнале минималните барања за главната награда, дешифрирајќи најмалку 4 пасуси, секој од 140 знаци.

Текст од свитокот од Херкуланеум, кој не бил невиден 2000 години  фото: Предизвик Везув

Во октомври минатата година Фаритор ја доби наградата за декодирање на само еден збор од свитокот – porphyras (виолетова), додека додека Надер беше втор на натпреварот. Заедно со Шилингер, тие открија делови од текст за кои се верува дека ги напишал Филодем, философ кој творел во исчезнатата библиотека. Во соопштението во кое беа откриени имињата на победниците, од Предизвикот Везув обзнани и дека „Општа тема на текстот е задоволството, кое, правилно разбрано, е највисокото добро во епикурејската философија“.

Со ова се дешифрирани приближно 5% од еден свиток. Но, Предизвикот Везув продолжува, а крајна цел е да се прочитаат 90% од сите четири свитоци што се тековно скенирани. Втората награда е веќе на маса и е ветена за првиот тим што ќе успее во тоа до крајот на годината. Деталите за следната фаза од натпреварот ќе бидат објавени во март.