Belgrade Blockchain Week, втора година по ред, ги собира некои од најпознатите имиња во блокчејн индустријата. До 9 јуни во рамките на оваа конференција ќе се одржат неколку десетици настани посветени на едукација, вмрежување и размена на искуства за најновите трендови и предизвици во Web3 индустријата.

Истражувачи планираат да повлечат историски значаен труд за Алцхајмеровата болест поради дотерување на податоците презентирани во него. Еден од авторите го призна постоењето на манипулирани податоци во студијата што за првпат поврза една специфична форма од амилоид протеинот со оштетување на меморијата

Горниот модул од кинеската лунарна сонда Chang'e-6 денес, 4 јуни, успешно полета од далечната страна на Месечината, носејќи со себе примероци од лунарната почва што треба да се вратат на Земјата. Државната новинска агенција Ксинхуа, цитирајќи ја кинеската Национална вселенска агенција(CNSA), го опиша настанот како „ невиден подвиг во историјата на човечкото истражување на Месечината “. А и не се далеку од вистината. Резултатот – во брзината на реализирање, е светски прв, и претставуа најнов пробив во повеќедецениската вселенска програма на Пекинг, која има за цел да испрати човечка мисија на Месечината до 2030 година.

Независно од тоа дали самите имате чувство дека во последно време ви се влошува меморијата или тоа го забележува некој друг, оваа забелешка не треба лесно да се отпише. Според научниците заборавноста може да претставува ран предупредувачки сигнал за појавата на деменција од Алцхајмеров тип. Според студијата објавена во научното списание Neurology, луѓето кои за прв пат пријавиле когнитивно опаѓање или,пак, некој што живее со нив го забележал тоа, почесто имаат аномални нивоа на наслаги од тау протеин во мозокот, карактеристични промени типични за Алцхајмеровата болест во мозокот.