На последната фотографија од Ingenuity, малечкиот хеликоптер со двоен ротор се гледа како лежи неподвижен на песочна дина, среде карпестиот пејзаж на Марс. Фотографијата е направена на 4 февруари 2024 година, во 13 часот и 5 минути по локално соларно време, нешто повеќе од две недели откако хеликоптерот претрпе оштетување кое значеше крај на неговата мисија.

Секоја година помината на училиште или на универзитет го зголемува нашиот животен век – ова е дел од заклучоците во студијата објавена минатиот месец во The Lancet Public Health. Во истражувањето биле анализирани преку 10 000 податоци од 59 индустријализирани земји и земји во развој, при што било откриено дека неучењето му штети на нашето здравје подеднакво како пушењето или злоупотребата на алкохол.

Набљудувањата од вселенскиот телескоп Веб понудија директен поглед во иднината на Сончевиот систем – моментот кога Венера, Меркур и можеби Земјата ќе бидат проголтани од Сонцето.

Од 2003 година, портокалово-белата риба-кловн (Amphiprion ocellaris) автоматски ја “препознаваме” како Немо, главниот јунак на познатиот цртан филм на Pixar – рипчето со оштетена перка, чијшто безгрижен живот е нарушен кога го киднапираат луѓе и го раздвојуваат од неговиот татко. Студијата објавена во Journal of Experimental Biology, ни открива дека рипчињата како Немо немаат баш безгрижен живот, дури и кога не ги киднапираат. Имено, рибата-кловн е мошне територијална и без двоумење ги напаѓа другите риби – натрапници на нејзината територија. Но, имајќи предвид дека постојат околу триесет различни видови на риба-кловн, како тогаш овој вид ги разликува натрапниците? Одговорот е мошне интересен. Според новото истражување, се чини дека видот Amphiprion ocellaris знае да брои...