Од 5 до 8 април во Крањ, Словенија, во рамките на проектот Валенс/Valence – “Најдобри практики за изучување на машинско учење и наука за работа со податоци во стручните образовни центри”/ "Data Science and Machine Learning Teaching Practices with Focus on Vocational Education and Training", се одржа четиридневен тренинг настан чиј домаќин беше Школски центар, Крањ. Во меѓународниот проект, којшто се изведува под капата на Еразмуз, вклучени се две високообразовни институции – Факултетот за електротехника и информациски технологии од Скопје (Македонија) и Институтот Јожеф Стефан од Љубљана (Словенија), како и три стручни училишта – ЕТШ “Михајло Пупин” од Нови Сад (Србија), Школски центар од Крањ (Словенија) и СОСУ Илинден (Македонија).

„Мегамасерот“, како што го нарекуваат астрономите, беше откриен од јужноафриканскиот телескоп MeerKAT и е најдалечниот масер што некогаш бил пронајден. За разлика од ласерскиот сигнал којшто се емитува во подрачјето на видлива светлина и претставува засилување на светлината со стимулирана емисија на зрачење, масерот е емисија на фотони со подолги бранови должини, во опсегот на микробрановото и радиобрановото подрачје.

Неодамна излегоа неколку владини најави за промена на регулативата во врска со фотонапонските панели кај домаќинствата, коишто би требало, како што тие сметаат, да ја подобрат ситуацијата на ова поле. По овој повод разговаравме со Звонко Марковски, сопственикот на СИЕТО, компанија посветена за решавање и на најспецифичните проблеми oд енергетската електроника на најоптимален начин.

Ноќта на Нептун е темна и полна ужаси. На северната хемисфера на планетата во моментов е во тек а една од нејзините 40-годишни зими, додека на јужната во тек е релативно “благата“ летна сезона со просечни температури од околу –220ºC. Но, чудните временски обрасци забележани во текот на проектот за следење на атмосферските температури на Нептун долг 17 години, укажуваат на тоа дека, глобално, зимата навистина доаѓа на Нептун.