Гитаристите имаа можност да го направат гитарскиот засилувач EGA 16 (проектот во ЕМИТЕР 3-4/96), но за потполно задоволство им недостасуваше адекватен звучник. Оние кои се обиделе да употребат обичен звучник, сигурно не биле воодушевени од звукот, но за тоа сигурно не е виновен засилувачот EGA 16. Препознатливиот звук на Marshall или Fender комбоата се резултат на специјалните гитарски звучници вградени во нив.

Во студиската практика се користат ленти за подесување на магнетофоните за да може сите машини да бидат израмнети по своите технички перформанси. Вообичаена е поделба на ленти за калибрација, тест ленти и референтни ленти.

Човековото здравје во голема мерка зависи и од климатските услови. Воздухот што не опкружува со својот притисок, температура, влажност и загаденост биолошки дејствува на човечкиот организам. Спонтаните промени на тие фактори ги чувствуваме, помалку или повеќе, како пријатни или непријатни. На тоа чувство значајно влијание има и електрицитетот, односно концентрацијата на позитивни и негативни јони во атмосферата.

Интегрираното коло SAA1057 во себе ги содржи сите потребни елементи за изведба на PLL коло (Phase Locked Loop – фазно врзана јамка), контрола потребна за секој современ радио приемник. Ова интегрирано коло може да се искористи за секаков вид на радио приемници од обични авто радио приемници па се до домашни HiFi уреди. Во продолжние ќе бидат дадени некои од можностите на ова интегрирано коло.

Факт е дека покривањето на спортските натпревари во текот на двете последни децении постојано се надградува во својата комплексност, бидејќи радиодифузерите се натпреваруваат во изнаоѓањето на сè понови начини да се возбуди и да се привлече вниманието на сè попребирливиот гледачки аудиториум. За да се покрие нараснатиот број на оперативни зафати, неминовно расте бројот на луѓето што учествуваат во техничката изведба. Сите тие мораат да комуницираат меѓу себе, и тоа речиси секој со секого.