Инструментите за испитување на транзисторите покрај универзалните инструменти се едни од неопходните во секоја сервисна работилница. Вакви инструменти денес сè почесто среќаваме во состав на постоечките универзални инструменти посебно дигиталните, какви што има доста на пазарот. Меѓутоа сите тие вршат испитување на транзисторите во статички режим на работа и притоа на дисплејот дирекно ја покажуваат големината на струјното засилување. Попогодно би било ако транзисторите ги испитуваме во динамички режим на работа. Испитувачот кој јас го изработив и кој е во експлоатација повеќе од 15 год. и покрај својата едноставност сепак во целост ги задоволува потребите на авторот и затоа предлагам истиот да го изработаат што повеќе електроничари, особено почетниците кои на овој начин ќе се стекнат со еден неопходен инструмент во понатамошната пракса.