Ефикасната аеродинамика е пресуден фактор за успешноста на еден болид во Формула 1. Оваа посебна гранка на науката ги дефинира добрите или лошите својства на еден болид, па затоа плановите, идеите и проектите на конструкторите непосредно се поврзани со аеродинамичките подобрувања на болидите за нивно поефикасно управување и однесување на патеката.

Дигиталниот бројач на вртежи е кит-комплет од серијата производи "Хоби кит". Наменет е за сите четиритактни бензински мотори со четири цилиндри и класично палење со платинка.

Фазното валоризирање на постигнатиот квалитет и перформанси е составен, периодичен сегмент во рамките на секој процес за материјализирање на еден производ во индустријата за моторни возила. Фокусирајќи се на поединечните конструктивни карактеристики на перспективниот продукт на "четири тркала" т.н. аеротунели ја заокружуваат серијата испитувања и процени на предвидените техничко-технолошки параметри на идното возило, почнувајки од возно-динамичките, па сä до оние од ергономска природа.

Овој месец ќе биде присутен еден од позначајните метеорски роеви - Геминидите, активни од 7 до 17 декември. Максимумот ќе им биде ноќта меѓу 13 и 14 декември, кога се предвидува ZHR=120. Сепак, полната Месечина на 15, во непосредна близина на радијантот (во Бик), ќе го десеткува овој богат рој. Да ги проследиме и останатите астрономски настани на нашето небо.

Дарбата и истрајноста кај некои луѓе не е селективна и ограничена само на некој тесен обем на афинитети, туку се искажува низ повеќе области, делумно, можеби, и поради егзистенцијални потреби. Меѓутоа, поривот, нескротлив, иако понекогаш останува придушен, наоѓа начини да избликне сам по себе и да причинува пријатни задоволства на неговите носители, надвор од секојдневното опстојување на индивидуата. Поривот ги наведува луѓето на чудесни нешта.

Во минатиот број на ЕМИТЕР објавивме напис на тема "Дигитални аудиоплеери" во кој накратко ви ги претставивме карактеристиките на сите типови на популарните мп3-плеери, меѓу кои и оние со вградена флеш-меморија. Во овој број продолжуваме со истата тема, а вниманието ќе биде свртено кон два дигитални аудиоплеери од јапонскиот гигант Сони (Sony), поточно моделите NW-E407 и NW-E107, кои од страна на локалното претставништво на Сони ни беа отстапени за тестирање.

Овој проект е наменет за почетниците во електрониката кои преку него практично ќе се запознаат со начинот како ЛЕД диодите може да ги приклучиме директно на наизменичен напон од 230V, без употреба на трансформатор.

Конечно, на самиот почеток од месец ноември ги пречекавме новите производи (во сä уште не финална верзија) кои ни доаѓаат директно од ИТ-лабораториите на Мајкрософт. Нив со нетрпение ги очекуваа сите оние кои се добро запознаени и кои работат со помош на новите технологии од овој софтверски гигант, однапред знаејќи ги новитетите што ќе се интегрираат во програмерската проблематика.

Кога кон крајот на 2000 година за прв пат се појави SATA спецификацијата, не стануваше збор за ништо друго освен за новиот HDD интерфејс. Како нова технологија таа, пред сé, се користи за комуникација помеѓу тврдиот диск и остатокот од компјутерскиот систем, а до неодамна ретко кој помислуваше на нејзина имплементација во оптичките уреди. Главна причина за тоа, пред сé, беше високата цена на вградените компоненти.

Покрај вирусите што ги напаѓаат компјутерите, во последно време сé повеќе се појавуваат и нови вируси кои се наменети да ги заразат мобилните телефони. Но, за разлика од компјутерските вируси, овој тип на вируси сé уште не се толку многу усовршени за да направат голема штета на мобилните телефони.

Јоносферата е дел од атмосферата кој е јонизиран од соларна радијација. Таа го формира внатрешниот раб на магнетосферата и е важна затоа што има влијание на пропагацијата на сите радиобранови но најмногу на кратките (3 MHz – 30 MHz). Со помош на кратките бранови и јоносферата може да се оствари радиокомуникација на растојанија и до неколку илјади километри дури и со предавател со моќност од неколку вати. Токму така - на неколку илјади километри, без посредство на сателит!