Во минатиот број на ЕМИТЕР објавивме напис на тема "Дигитални аудиоплеери" во кој накратко ви ги претставивме карактеристиките на сите типови на популарните мп3-плеери, меѓу кои и оние со вградена флеш-меморија. Во овој број продолжуваме со истата тема, а вниманието ќе биде свртено кон два дигитални аудиоплеери од јапонскиот гигант Сони (Sony), поточно моделите NW-E407 и NW-E107, кои од страна на локалното претставништво на Сони ни беа отстапени за тестирање. Двата модела припаѓаат на различни категории, па така NW-E107 припаѓа во ниската класа и е наменет за корисниците со ограничен буџет, додека, пак, NW-E407: "има потенцијал" да ги задоволи вкусовите и на најпрефинетите корисници.