Навистина, засилувачите се апсолутно најексплоатираната тема во списанијата за електроника. Тоа првенствено се должи на фактот што нивната конструкција е едноставна, особено во последно време кога имаме широка палета на "квалитетни" интегрирани засилувачи кои, со помош на само неколку периферни пасивни компоненти, даваат одличен квалитет за "мали пари". Но, кога се работи за проекти на засилувачи од висока класа, ситуацијата е поинаква! Имаме изобилство на проекти и во оваа класа, но рецептот за изработка на ваков уред не е само во неговата принципиелна и монтажна шема туку и во низа конструктивни решенија кои честопати љубоморно се чуваат од самите конструктори. Целта на овој напис е првенствено да се посочат проблемите на кои наидуваме при градба на еден висококвалитетен аидиозасилувач.