Ако е потребен стабилизиран напон за напојување за струи до 1A, при неговата едноставна изработка не би требало да има никакви потешкотии, бидејќи можат да се употребат интегрираните стабилизатори на напон со три ногички. Овие стабилизатори се со фиксен напон и излезна струја од 0,5 до 1 A во зависност од условите на ладење и од произведувачот. Напонот може едноставно да се зголеми доколку постои потреба за тоа, со просто додавање на на една или повеќе обични силициумови диоди во серија, притоа збирот од нивните напони (околу 0,65 волти по диода) го додаваме на напонот за кој е наменет конкретниот стабилизатор.