Во XXI – от век, астрофизичарите влегле со комплетно составено сценарио за еволуцијата на универзумот, содржано во т.н. "стандарден модел" на универзумот. Приказите во тој модел се совпаѓаат со набљудувањата, кои од ден на ден станувале сè попрецизни. Така делотворен, стандардниот модел е прифатен од поголемиот дел од астрофизичарите. Но, не од сите! Зошто? Бидејќи, тој во себе крие двоен игнорантски однос кон природата на 95% од неговата структура, претпочитајќи две апсолутно непознати компоненти во неговиот состав, за кои не се знае ниту нивното потекло, ниту нивната структура, но, сепак, тие морале да бидат вметнати во равенките на моделот, бидејќи единствено така физичарите можеле да ги објаснат двата чудни феномени: преголемата брзина на ѕвездите на периферијата на галаксиите и акцелераторската експанзија на универзумот! Немајќи ништо поконкретно за овие две компоненти, космолозите нив ги нарекле "темна материја" и "темна енергија"!
Еден од астрофизичарите кој не ја прифатил оваа 95% "темнина" во "стандардниот модел" на универзумот е Габриел Шарден (Gabriel Chardin), директор на Центарот за нуклеарна спектроскопија на Орсај (Orsay). Тој и неговиот студент Орелие Бенуа-Леви (Aurelien Benoit-Levi), предложиле радикално нов модел на универзумот, во кој неистражените мистерии, темната материја и темната енергија, ги замениле со апсолутно истражени и општо познати фактори, потврдени во реалноста во судрувачите на физички честички. Сигурно погодувате, тоа се антиматеријата и антигравитацијата!