Не треба да споменуваме дека со појавата на мобилната телефонија кај нас, мобилните телефони станаа опсесија, слична на онаа со автомобилите. Постојано се продава еден модел па се доаѓа до друг, понов, подобар. Сигурно на улица или во друштво ги слушате познатите фрази: "Види што имам...." или "гледај што може..." или "види колку е лесен..." итн. Сето тоа се однесува на мобилните телефони. Гигантските производители на мобилни телефони речиси секои месеци на пазарот лансираат нови, конкурентни модели, со повеќе можности и нов дизајн. Но, изгледот не оди секогаш заедно со можностите и со цената на чинењето.