За да може електронските уреди да комуницираат меѓу себе и да разменуваат податоци, потребно е да бидат поврзани со соодветен интерфејс. Ако секој производител на електронски уреди вградува сопствен интерфејс и употребува сопствен протокол на комуникација, тогаш поврзувањето на два уреда од различен производител би било вистински кошмар. За да може поврзувањето на уредите да биде универзално, односно да не зависи од производителот на уредот, видот на интерфејсот и од протоколот по кој се одвива комуникацијата треба да се изведат по некој стандард кој е општо прифатен. Постојат повеќе стандарди за пренос на податоци и тука ќе се обидеме да направиме краток преглед на најупотребуваните.