Радиоприемникот може да се користи секогаш и секаде. Навечер може да нè заспива, наутро да нè буди-и сето тоа во состојба кога сме со отворени или со затворени очи. Додека возиме или сме качени на дрво, тој ни ги дава секојдневните информации и ни ги разубавува напорните мигови со музика. Радиоприемниците постојат во разни комбинации, со разни бранови подрачја (ДБ, КБ, СБ, УКБ со AM и FM), посебни или заедно со касетофони, CD плеери, грамофони, во преносни или стационарни варијанти итн. Раните радиокасетофони со рачно бирање содржеа транзистори во секој степен. IC кола имаше само во меѓуфреквенциските (МФ) и во излезните степени, слика1. Повеќето денешни преносни приемници имаат IC кола насекаде низ степените. Во продолжение на написот ќе може да научите како да ги откриете и да ги отстраните најчестите дефекти во денешните радиоприемници.