Кај постарите грамофони со мотор и ремен се врти тешка плоча, како замаец, која има природна стабилност на брзината, поради што завивањето и треперењето (Wow&Flutter) не претставуваат проблем. Меѓутоа со напуштање на тешките конструкции и примената на лесни пластични материјали, се појавува проблемот на стабилноста на брзината што се решава со примена на сервосистеми. Добар грамофон со квалитетен пикап или "глава" (pick-up, cartridge) овозможува слушање музика со добар квалитет. Во споредба со грамофонските плочи, компакт дисковите многу малку страдаат од кликови, завивање (wow&flutter), гребаници и сл. Ако на ласерскиот пикап и на дискот им се посветува соодветното внимание, ќе може да се користат многу долго.