До пред некое време колорните ласерски печатачи беа привилегија на добро опремените репростудија, претпријатија и сличните на нив иституции, како и на некои поединци, служејќи им како статусен симбол. Но, од неодамна работите на тоа поле драстично се променија, па овие егзотични уреди станаа достапни на широк круг корисници, како на професионалци кои во својата работа користат колорни печатачи, така и на поединци на кои колорните печатачи не им се неопходни во нивната работа. Овој тренд започна со значителното намалување на нивните цени како и на нивните репроматеријали, па со самото тоа станаа достапни за секој кој во својата работа има потреба од ласерски печатач. Еден од најизразените претставници во оваа група на ласерски печатачи во боја е Епсоновиот модел AcuLaser C900 кој имавме можност детално да го тестираме за вас.