Кога ќе се спомене компанијата Hewlett-Packard, неизбежна е констатацијата дека во нивната понуда на печатачи може да се најдат модели за различни типови на корисници. Нивниот нов модел HP Officejet K7100, кој овој месец пристигна за тестирање во нашата редакција, претставува одличен избор за корисниците кои имаат мал и среден бизнис. Моделот има широка лепеза на можности, па освен тоа што одлично ќе послужи во секојдневните канцелариски работи за печатење на документи, овој флексибилен печатач овозможува печатење на материјали како писма, флаери, фотографии или разни други материјали за маркетиншки цели. Се разбира, сето ова е можно, бидејќи овој модел припаѓа на класата А3 печатачи.