Познато е дека во акустички добра концертна сала добро ќе звучи и оркестар кој не може многу да се пофали со висока умешност на изведбата, додека, пак, оркестар што го краси перфекција во изведбата ќе звучи лошо во акустички лоша просторија. Тоа е вистина од која не може да се избега, освен во овие наши простори ‘а ла Катанга’ во кои се смета дека и со самото прекривање на ѕидовите од некоја просторија со влошки од јајца (евтинија), или со "пирамида" сунѓери се постигнала голема победа над акустиката. Заблудата е голема до небо, до севишниот, кој, нели, им простува на оние што не знаат што прават.