Претставете си да можете да создавате интерактивни мултимедијални игри, коишто ќе можат да ги играат корисниците на Глобалната светска мрежа, Интернетот или, пак, он-лајн анимирани каталози, кои не само што ќе им помагаат на клиентите да ги пронајдат бараните производи, туку и ќе им овозможат и купување на истите преку сигурни он-лајн системи на плаќање. Со Јаваскрипт не е потребно сето ова да се замислува, од причина што со негова помош овие идеи можат да се претворат во реалност и тоа на релативно едноставен начин. Во овој краток серијал написи, ќе се потрудиме да ве запознаеме со основните карактеристики и можности што ги има овој доста моќен скриптов јазик.