Британската фирма Нови Аудио Димензии (New Audio Dimensions - NAD) е формирана пред повеќе од 30 години. А пред повеќе од 25 години се појави нивниот мал и евтин засилувач со одличен звук - NAD 3020, со кој стекнаа планетарна слава. Нивните понатамошни производи исто така беа ценети, така што NAD набргу стана значаен чинител на светската hi-fi сцена. NAD одамна се откажа од своето полно име и ја користи само кратенката NAD, но никогаш не се откажа од добитната комбинација - висок квалитет и ниска цена, што стана заштитен знак на нивните производи. Вистинска среќа е што во Македонија неодамна се појави застапник на оваа угледна фирма, така што аудиофилите сега имаат уште еден извор на hi-fi уреди од висок квалитет, но со многу прифатливи цени.