Овој месец, ноќта на 29 кон 30 октомври (сабота кон недела), преминуваме од летно кон зимско сметање на времето. На 30 октомври, недела, точно во 03:00 часот (три часот по полноќ) ќе треба да ги вратиме часовниците на 02:00 (два часот по полноќ). Дали сте знаеле дека ова не се случува насекаде низ светот? Некои го менуваат времето на различен датум, други во различно време, а трети, пак, воопшто не го менуваат. Дури има и држави во кои една општина го менува времето, а соседната не! Менувањето на сметањето на времето досега предизвикало немири, спасило животи, довело до најразлични ситуации, но најмногу од се довело до доцнење на работа.