Откако беше изработен првиот процесор со помош на 65nm технологија и кога беше објавено дека тој е максимумот што може да се достигне со денешната технологија, многумина се запрашаа, пак, кој е максимумот што самата 65nm технологија може да го понуди во развојот на компјутерските чипови. Постојат повеќе предвидувања за тоа која е оваа граница, но за да ги задржи корисниците задоволни Интел пронајде алтернативен начин да ги подобри перформансите на онаа технологија која моментно се користи, секако, неизбежно надополнувајќи ја со неколку придружни новитети и, секако, да го добие максимумот од сегашните технолошки достигнувања.
Како што одат работите двојадрените процесори ќе бидат главна тема оваа година (се разбира во ИТ-заедницата), не само поради Интел и нивните најави за нови процесори, туку и поради подеднаквата заинтересираност на ова поле и на нивниот главен конкурент на пазарот за процесори АМД (AMD). Но, за моделите на АМД во друга прилика, а во овој напис ќе се задржиме на моделите на Интел, како и новите технологии кои доаѓаат со мулти-цоре процесорите.