Верувам дека многумина ќе се согласат со мене дека водењето на домашниот буџет воопшто не е лесна работа. Сите оние кои ги водат домашните финансии понекогаш ќе се запрашаат, кога и каде успеале да ги потрошат планираните пари. Можеби програмот што ќе имате прилика да го видите, и верувам да го направите, ќе ви помогне во поуспешно евидентирање на месечните, но и годишните трошоци. Со мали модификации, истиот програм е можно да се искористи и при работењето на помали фирми. Во секој случај, ова е и згодна прилика за сите кои сакаат да научат нешто повеќе за програмирање.