Појавувањето на преносните медиуми со флеш-меморија значеше и комплетна замена на компактните дискови и дискетите за префрлување на податоци. Популарно наречените "USB стикчиња" одлично си ја вршат работата кога треба да префрлате податоци од еден до друг компјутер, но кога станува збор за количина до 2GB. Што да се прави ако имате потреба од префрлање на 50-60GB или повеќе? Набавката на доволен број на мемориски стикови сигурно ќе ве чини премногу, па затоа е пожелно да се бара друг начин или "транспортен" медиум. Проблемот може да се реши со надворешен тврд диск и соодветна кутија. Благодарејќи на USB интерфејсот, кој овие кутии често го користат, се добива "подвижен" уред кој без проблем може да се приклучува на секој компјутер.