Низ неколкуте децении што поминаа компјутерската наука се развиваше со такво темпо што денес практично го зазеде најсуштинското скалило од развитокот на човековата цивилизација. Сега, рамо до рамо со останатите науки, компјутерската наука ни отвора нови можности, нови неверојатни и зачудувачки хоризонти кои досега беа само дел од фантазијата и фантастиката, а сега се дел од реалноста, притоа давајќи ни одговори на многу таинствени прашања со една невидена елеганција. Во овој напис, накратко, ќе го посветам своето време само на биоинформатиката која предизвикува бурни емоции во ова наше космичко синило.