Поминаа 118 години од појавата на првиот автомобил на Карл Бенц - малку изминати години, а неверојатно брз развој на "неговото величество" - автомобилот. Првиот автомобил и денешниве автомобили речиси и немаат допирни точки. ќе се обидам накратко да ги прикажам најзначајните моменти од развојот на автомобилите од првите обиди, па се до денешни денови.

Вселената е полна со чудни небески тела: замислете си топка со пречник од 25 km, која се врти околу својата оска 30 пати во секунда и како морски светилник емитува радиоимпулси во вселената со голема фреквентна точност.

Низ целата историја на цивилизацијата постоеле луѓе кои можеле да ја согледаат суштината на светот многу подалеку од сопствениот двор, незаслепени од огромното богатство што го имале. Тие луѓе во времето на ренесансата биле познати како мецени, луѓе кои финансиски ги поддржувале уметниците и научниците. Без нив денес не би знаеле за Леонардо да Винчи, Микеланџело, Исак Њутн и многу други уметници, пронаоѓачи и научници.

Проектот "Комплетен стереозасилувач со голема моќност" од ЕМИТЕР бр.7-8/04, за да биде навистина целосно комплетен, потребно е на неговите излези да бидат приклучени соодветни звучници кои ќе ги задоволат основните барања: Хај-Фај репродукција на аудиосигналот, квалитетна стереослика, голема чувствителност, добар однос цена/квалитет, како и добар дизајн.

Денес, еден современ електромоторен погон не може да се замисли без уреди со кои би се вршела регулација на брзината на вградените мотори, а притоа загубите на електрична енергија да се што помали. Овие уреди, покрај регулација на брзината, треба да овозможат и соодветна заштита на моторот со што би се овозможила квалитетна и непрекината работа на погонот, а воедно ќе се продолжи и работниот век на моторот.

Сé почеста е замената на "bar graph led" индикаторите на моќност во НФ-засилувачите со езотерични индикатори со стрелка. Носталгија или желба за промена? А кога ќе се додаде и заднинското осветлување и живите бои, а сето тоа "оживува" во ритамот на музиката, станува уште попривлечно. Затоа во овој напис ви претставуваме аналоген нискофреквентен ват-метар кој може да се применува за мерење на излезната моќност на НФ-засилувачи со номинална синусна моќ од 3 до 200W.

Добропознатите квалитети на алатите на реномираниот производител на електрични рачни алати Блек&Декер (Black&Decker), кај моделот HP12KD се надополнети со едно мало, ама многу полезно апаратче - детекторот на електрични и метални инсталации.

NetBus е еден од најкористените компјутерски тројанци. Во текстот што следува е опишана постара верзија од овој тројанец но суштината е иста, така што ќе можете да управувате и со поновите верзии, со што ќе имате можност за користење на некои додатоци. Главната цел на овој текст е да се запознаете со овој тип на тројанци и да научите како да го отстраните или да го користите во позитивна смисла.

Надгледувањето и контролата врз вашиот оперативен систем е од витално значење за правилно, сигурно и оптимално работење. Секако, ова важи генерално за работа со кој било од оперативните системи. Но, доколку сме запознаени со фактот дека Линукс оперативниот систем е синоним за сигурност и стабилност, треба да вложиме малку труд тоа да остане така.

Со овој напис за витаминот К (Филокинон) го завршуваме прегледот на групата на липосолубилни витамини (растворливи во масти), а од следниот број започнуваме со запознавање на хидросолубилните витамини (растворливи во вода), најпрво со витамините од групата Б.

Во оваа статија направен е краток осврт за развојот на технологијата на апаратите со хетероспоеви од полуспроводни материјали. Од 50-те години од минатиот век па наваму кога е започнато производството на полуспроводни транзистори, секоја декада се карактеризира со за неа специфичен нов материјал и (или) технологија на производство и со давање придонес во напредокот на електронските и оптоелектронските апарати со полуспроводни материјали.