Денес, еден современ електромоторен погон не може да се замисли без уреди со кои би се вршела регулација на брзината на вградените мотори, а притоа загубите на електрична енергија да се што помали. Овие уреди, покрај регулација на брзината, треба да овозможат и соодветна заштита на моторот со што би се овозможила квалитетна и непрекината работа на погонот, а воедно ќе се продолжи и работниот век на моторот. Во овој напис е дадена кратка теорија за регулација на DC-моторите и детален проект за самоградба на тиристорски регулатор на 2kW DC-мотор со автоматска корекција на брзината при промена на оптоварувањето на моторот.