Светските резерви на нафта се при крај. Но и да не е така, со оглед на тоа што во моментов околу 90% од вкупните светски енергетски потреби за транспорт ги задоволуваме од нафтата (фосилните горива), јасно е дека загадувањето на природата од нив е на пат да го уништи животот на Земјата. Веќе подолго време се бараат нови извори на енергија. Еден од нив, особено применлив како погон за автомобилите, е и водородот. Водородот е исклучително чист енергенс, има голема специфична густина на енергија, многу е безбеден, а сето тоа собрано на едно место дава надеж и прави да се вложува за негово устоличување како примарно гориво. Токму затоа решив овој напис да го посветам на водородот како погонско гориво кај автомобилите.