Благодарение на врвните достигнувања во електрониката, високата технологија на изработка на линеарни интегрирани кола за одредена намена, со минијатурни димензии, а притоа со големи можности и релативно ниска цена, денес имаме можност да си го дозволиме задоволството со малку ангажирање, со мали познавања од електрониката и мали трошоци да имаме Booster засилувач, кој е приклучен на автокасетофонот во нашиот автомобил, ќе ги надмине нашите очекувања и ќе не воодушеви со моќноста, квалитетот и верноста на репродукцијата.
Во проектот што следи, ќе презентираме квалитетен и евтин Booster засилувач, едноставен и пристапен за секој електроничар со скромни знаења и искуство.