Понудата на видеоопрема расте со рекордно темпо. Можеби некои уреди некогаш изгледаат дека се веќе стари, но запомнете дека најновото не е секогаш и најдобро, иако новиот производ најчесто е варијанта на стариот модел со подобрени перформанси. Постојат и уреди на пазарот со сосема нова технологија. Најдобра варијанта е да се набави уред кој си ги покажал добрите и лошите страни, директно употребен за она за што е наменет бидејќи едно е лабораториско испитување, а сосема друго е тестирањето во практика. Така е за сè, па и за камерите за кои станува збор во текстов.