Доколку имате изработено или купено излезен засилувач на снага, а во него немате вградено VU метар или мерач на излезна снага, еве можност тој недостаток да го отстраните. Контролата на излезната снага, на засилувачот е особено важна при неговата работа на поголеми снаги. Во овој режим на работа (големи снаги) влезниот сигнал на засилувачот мора да биде контролиран, бидејќи неговото превисоко ниво може да предизвика несакани последици. Засилувачот ги зголемува своите изобличувања, кои најмногу ги оштетуваат звучниците приклучени на неговиот излез. Заради оштетување на звучниците потребно е оваа појава да се избегне доколку се регистрира.