Постојат повеќе медиуми, односно технологии за снимање и прикажување на информации кои претставуваат HD материјали, со големо и непосредно учество на корисникот, кои компаниите ги аплицираат на своите стари камкордери за да се преброди преодниот период или како дел од новите уреди кои работат исклучиво без лента. Во моментов на пазарот постојат камкордери кои можат да работат и со лента и без лента. Како и да е, времето на камери кои снимаат на лента сместена во касета е на заминување. Новите медиуми кои имаат тенденција во потполност да ги заменат лентите како медиум за складирање и од кои може подоцна да се читаат истите, било да се потребни за едитирање, за директно емитување во програма или за архивирање, се сè помали по димензиија, со подобри перформанси, а, се разбира, и цената им паѓа. Исто така, од ден на ден расте и data rate – брзината на пренос на дигитални податоци, односно количината на податоци šшто се пренесуваат низ системот за време од една секунда, кое најчесто се изразува во GB/s. Сето ова е резултат на развојот и усовршувањето на технологиите кои се користат за преносното складирање на HD материјали. Овие технологии се применливи кај камкордери, монтажни станици, но и кај лаптопи, дигитални аудио плеери, и други уреди. Делот на кој се снима или од кој се читаат податоци може да биде интегриран или издвоен. Но, да почнеме по ред.