Има малку така харизмаични имиња во аудиоиндустријата како што е JBL. Како еден од пионерите на современата аудиопродукција James B. Lansing ги отворил патиштата на современата конструкција на звучнички кутии кои во првите години на современата аудиоера практично сите ги следеа.

И не само тоа – можеби најголемиот белег James B. Lansing го остави во конструкцијата на студиски мониторски звучнички кутии од сите големини и намени. За тоа сведочи и податокот што практично нема позначајно тонско студио во светот кое нема барем еден пар JBL-ови монитори. Но, кога се работи за присутноста на JBL на hi-fi сцената, таа беше прилично непостојана.

По нагласената присутност за време на шеесетите години, низ доцните седумдесети и раните осумдесети не можеше многу да се прочита за нив, ниту можеше секаде (особено во Европа) да се чујат. Меѓутоа од почетокот на деведесетите, особено откако станаа дел од корпорацијата Harman International, пак "палат и жарат", а со поместувањето на дел од своите производни капацитети од татковината во звучничкиот Ел Дорадо – Данска, станаа присутни и на стариот континент, повеќе од било кога. Директна последица на тоа е и тестот кој следи.