Категорија 6 беше предмет на дискусија речиси 4 години до моментот на лансирањето на првиот кабелски продукт пролетта 1998 година. Денес, кога голем број на проекти е базиран на Категорија 6/Класа Е, јасно е дека прашањето "Зошто е потребна Категорија 6" не е предмет на дискусија, а и бенефициите се добро дефинирани и познати. Но, она што често доведува до забуна е прилагоденоста на компонентите од различни производители, посебно кога станува збор за преспојните кабли, т.н. печкорди, на кои дизајнерите на мрежи или корисниците често не посветуваат доволно внимание. Покрај мерењето на исправноста на конекторизацијата на жиците за соодветните пинови на конекторот (Wire Map), за Категорија 6 од интерес се следниве параметри: NEXT (Near End Crosstalk), Power Sum NEXT, Return Loss, Attenuation, FEXT (Far End Crosstalk), Power Sum ELFEXT, ACR (Attenuation to Crosstalk Ratio), Power Sum ACR, Length/Delay и Resistance.