Составен дел на модерната градба е квалитатната хидроизолација, почнувајќи од темелните ѕидови па сè до покривот на објектот и тоа важи без исклучок за сите видови градежни објекти. Затоа, најправилно е ако прашањето на хидроизолацијата биде решено уште со самата проектна документација, што, за жал во нашиот живот не секогаш е практика. Поради тоа специјалистите од областа на хидроизолацијата често се среќаваат со различни проблеми на многубројните "дефектни" објекти, па и покрај високите инвестициски вложувања, не секогаш резултатите се најповолни. Со цел да се прикаже начинот на решавање на некои од наведените проблеми, како и да ги информираме нашите читатели за можностите кои се нудат на нашиот пазар, во овој прилог се опишани видовите и особините на три покарактеристични материјали наменети за хидроизолација.