За раширеноста на микрофоните и звучниците не може да се каже нешто поконкретно, бидејќи толку ги има што е тешко да се изврши и најбанална проценка. Нивното настанување се должи на вечно љубопитниот дух на истражувачите, кои понекогаш и не биле свесни за значењето на нивните пронајдоци. Снимањето, записот, репродукцијата и преносот на звукот на далечина се поврзани со процеси на претворање на акустичкиот звучен сигнал во електричен сигнал и обратно. Овој вид претворачи ги влече корените од втората половина на деветнаесеттиот век, но нивното проширување и усовршување се одвива во минатиот век, кој би можел да се нарече и златен век на претворачите од сите видови, не само електроакустичките. Пред вас е вториот дел од оваа фасцинантна историја.