Во ова, второ продолжение од темата посветена на перпетуум-мобиле, ќе претставам и прокоментирам неколку карактеристични, и, пред сè, едноставни примери кои биле инспирација и ангажман дури и на познати научници (на пр., Леонардо да Винчи) трагајќи по вечното движење. Се разбира, обидите се неуспешни, времето е залудно потрошено, материјалните средства – исто така, а останат е само горчливиот вкус на неуспехот. Исто така, нека овој текст биде сериозно предупредување за сите наивни и брзоплети, технички неписмени ентузијасти, кои си ја поставиле целта практично да го реализираат вечното движење. Тоа е утопија, кула од карти и СЕКОГАШ завршува со разочарување.