Можеби Македонија сè уште не ги исполнува сите критериуми за да биде дел од "Западот", но, сепак, барем на 22 октомври бевме рамо до рамо со остатокот од светот, кога во исто време се одржуваше презентацијата на новата верзија на најкористениот оперативен систем, Microsoft Windows. Откако пред 3 години заврши долготрајниот циркус, наречен развој на Windows Vista, следуваше период во кој и онака критикуваниот Мајкрософт беше принуден да трпи "еден куп" поплаки и навреди на сметка на своето чедо. Сето тоа го доведе гигантот од Редмонд во непријатна ситуација и го натера неколку месеци по објавувањето на Виста да го најави развојот на следната верзија на оперативниот систем со кој оваа компанија се прослави, па по интензивно тестирање на бета верзијата овој месец да ја направи и презентацијата на Windows 7.