Неодамна одржаниот натпревар во слободно летачки модели ми даде идеја поопширно да се осврнам на таа категорија и тоа заради две причини. Прва и најважната е што ме поттикнаа дел од воздухопловните моделари да не ја заобиколам оваа категорија и да дадам некои успешни нацрти, особено за категоријата Ф-1-А или популарно наречени А-2 едрилици, а другата причина да ги запознаам читателите на ЕМИТЕР во што се натпреваруваат и што градат воздухопловните моделари. Секако, со надеж дека ќе ја зголемам популарноста на оваа категорија, а со тоа и масовноста на натпреварите. Фактот што со интерес се читаат написите од областа на воздухопловното и ракетното моделарство ми даде нов импулс да продолжам со уште поголем елан.