Каналот за синхронизација содржи две гранки: вертикална синхронизација и хоризонтална синхронизација. Заеднички дел на двете гранки е склопот на почетокот, а тоа е сепараторот на импулсите за синхронизација, со кој се одделуваат импулсите за вертикалната и импулсите за хоризонталната синхронизација, прво од сложениот видеосигнал, а потоа и меѓусебно. Може да биде од полза да се навратите на ЕМИТЕР бр. 3/04 и да ја освежите меморијата на оваа тема! Во ова продолжение ќе ги разгледаме типичните изведби на вертикалната временска база во денешните ТВ-приемници со практични совети за основните сервисни зафати во овој степен.