За решавање на проблемите со подигнувањето (стартувањето) на оперативниот систем Windows 98 користевме специјално креирана бутабилна дискета или бутабилно CD. Во оперативните системи Windows 2000 и Windows XP, постои опција дополнително да се инсталира конзола за поправки и враќање на функционалноста на оперативниот систем (Windows Recovery Console) на која може да и се пристапи пред да започне подигнувањето на оперативниот систем. Од командно-линискиот интерфејс што ќе се добие по изборот на оваа опција, може да се врши стартување и стопирање на сервисите на инсталираниот оперативен систем или на драјверите за инсталираните уреди, читање или запис на датотеките (фајловите) на хард-дискот и форматирање на инсталираните хард-дискови. На секој читател кој го користи Windows 2000 или Windows XP му препорачувам да ја инсталира и оваа конзола и да ги испроба нејзините можности.