Секој човек си има свој животен пат и своја приказна. На тие врвици избликнува дарбата и желбата да се успее во работа која за наши услови е несекојдневна. Кон тоа се надоврзуваат и егзистенцијалните потреби кои принудуваат на упорна и непрекината работа со денови и со ноќи. И во тие темни, непроспиени ноќи да се гледа светла иднина е одлика на луѓе кои не сакаат да им се поместат од патот на неволјите. Тоа се луѓе кои сиот свој век сами си го создавале своето работно место и во него ги вложувале сите средства кои им биле на дофат. Еден од тие луѓе е и Владимир Петровски - Картер, сопственик на аудио-видео студиото "Дигитал филм студио".